Прокси серверийн талаар товч

Прокси сервер гэдэг нь клиент ба бодит сервер хоёрын хооронд байрлаж ажиллах сервер юм. Бодит серверт чиглэсэн хүсэлтүүд прокси серверээр дамжина. Гэвч прокси серверээр дамжих боломжгүй хүсэлт байвал шууд бодит серверт дамжуулна.
Прокси нь үндсэн хоёр зорилготой.
1. Гүйцэтгэл. Прокси нь хэрэглэгчийн хүсэлтийг тодорхой хугацааны туршид түр санаж байдаг. Жишээ нь хэрэглэгч z0rigt zorigt-life.blogspot.com/proxy-server хуудсыг уншив. Хэсэг хугацааны дараа хэрэглэгч yondkoo тус хуудаст хандвал заавал бодит серверт холбогдохгүй. Учир нь прокси сервер нөөшлөсөн байгаа учир прокси сервер хэрэглэгчид хариу үйлдэл үзүүлнэ. Ингэснээр хугацаа болон бодит серверт тусах ачааллыг багасгана гэсэн үг.
2. Шүүлт. Прокси серверийг хориглолтонд ашиглаж болно. Жишээлбэл хэрэглэгч z0rigt -ыг zorigt-life.blogspot.com/proxy-server хуудсанд хандах эрхийг хэрэглэгчийн нэр болон IP хаягыг ашиглан хориглох боломжтой.

Ажиллагааны ерөнхий зарчим: 
1. Хэрэглэгч нь веб хуудас үзэх хүсэлт илгээнэ.
2. Сүлжээ нь тухайн хүсэлтэнд анализ хийж дотоод прокси серверт илгээх эсэхээ шийднэ.
3. Өмнө хэлсэнчлэн тухайн хуудас прокси серверт хадгалагдаагүй бол бодит серверт дамжуулна.
4. Бодит сервер нь хүсэлтийг авч прокси кеш рүү дамжуулж хэрэглэгчийн хүсэлтийг биелүүлнэ. 

Эх сурвалж: Zorigt-life блог